Denne gata får seg eit skikkeleg løft: – Eit godt samarbeid mellom fleire aktørar
I Sitlevegen blir det no slutt på leidningar i stolpar.
I Sitlevegen blir det no slutt på leidningar i stolpar.
– Dette er eit samarbeid mellom Årdal kommune, Årdalsnett og Straumnett, seier Edvard Holsæter, nettsjef i Straumnett.
Dei siste månadane har det gått føre seg mykje arbeid i Sitlevegen i Øvre Årdal. Her legg Straumnett ned straumkablar, medan Årdalsnett legg ned fiber og kommunen legg ned kabel til veglys. Desse leidningane har hengt i stolpar.
– Me gjer dette i samband med at kommunen har ein plan for å leggja ny asfalt. Då slår me fleire fluger i ein smekk, seier Holsæter.
Etter planen skal arbeidet i Sitlevegen vera ferdig innan utgangen av mai. Det er O. Hæreid AS som har stått for graving av grøft.
– Me er på oppløpssida og nærmar oss ferdigstilling. Samstundes har me oppmoda bebuarane til å gripe moglegheita til å forsterke inntaka til husa sine. Då legg me ny kabel inn til nytt tilknytingsskap på husvegg. Dette er også ein fordel for dei som planlegg å få – eller har elbil-ladar.
Holsæter legg til at det er husgrunneigarane som sjølv har etablert grøft frå veg til husvegg, men at det er frivillig om huseigar ønskjer nytt inntak.
– Dette handlar mellom anna om branntryggleiken, då mange kan ha gamle inntak inne i husa sine. Me ser ein auke i straumforbruk i dei fleste husstandar. I tillegg er det visuelt vakrare med kablar i grøft enn i stolpar.
Straumnett var i fjor med på tre liknande prosjekt, i Rindevegen på Årdalstangen, i Risevegen og Ivar Noreviksveg i Øvre Årdal. I tillegg vart det gjort oppgraderingar i deler av Torgvegen.
– Me deltek på slike prosjekt i godt samarbeid med kommunen og fleire aktørar.
Ny nettleigemodell frå 1. juli 2022
Olje- og energidepartementet har vedteke ny prismodell for nettleige i Norge. Føremålet med den nye prismodellen er å leggje til rette for best mogleg utnytting av nettet. Ved eit jamnare forbruk gjennom døgnet, vil behovet for kostbare oppgraderingar verte mindre. Nettselskapet skal ikkje tene meir enn tidlegare, men du som forbrukar har høve til å bruke straumen smartare.
Den nye prismodellen gjeld for kundar med årleg forbruk opp til 100 000 kWh. Kundar med årleg forbruk over 100 000 kWh vil bli fakturert etter effekttariff, som tidlegare.
Prismodellen:
Fastledd vert delt inn i trinn etter nytta effekt. Fastleddet vert fakturert ut frå gjennomsnittet av dei tre høgaste effektuttaka målt siste månad. Høgt effektuttak oppstår når du gjer mange straumkrevjande oppgåver samstundes, som f.eks vaske klede, lade bilen og lage mat på same tid.
Energiledd er prisa etter forbruk, men prisane vert differensiert etter kva tid på døgnet/året straumen vert nytta.
Dei nye prisane vert klare i løpet av juni, og meir informasjon rundt dette vil komme.
Sjå video som forklarar den nye modellen:
Endring av faktureringsrutinar
Frå og med 2022 vert faktureringa omgjort til månadleg faktura.
No blir straumrekninga di lågare
Regjeringa har lagt fram forslag til ei støtteordning for høge straumprisar, og Straumnett AS skal bidra til å følgja opp og sørga for at straumrekninga di blir lågare i månadene framover.
Må eg gjera noko for å få kompensasjon?
Som kunde treng du ikkje gjera noko som helst for å få kompensasjon – beløpet du har krav på blir trekt automatisk frå på nettleiga. Ordninga gjeld frå og med desember til og med mars. Viss du har rett på støtte, vil du få det første frådraget på fakturaen du mottek allereie i januar.
Kven får kompensasjon?
Alle hushaldskundar vil få kompensasjon for straumen dei bruker. Dersom du eig ei hytte eller fritidsbustad får du ikkje kompensasjon for straumforbruket på den adressa. I ettertid er burettslag og sameige vorte ein del av ordningen, dette gjeld for felles straummålar. Klikk på lenka til regjeringen.no
Når gjeld ordninga frå?
Ordninga vil gjelda allereie frå og med straumrekninga for desember, som blir fakturert i januar, og ordninga vil vara til og med mars 2022.
Kor mykje kompensasjon har eg krav på?
Frå og med fakturaen for januar inneber ordninga at kunden får kompensert 80% av kostnadene over 70 øre/kWh ekskl. mva.
Dette betyr at viss gjennomsnittleg spottpris i området ditt er meir enn 70 øre/kWh (ekskl. mva.) i løpet av éin månad, har du rett på kompensasjon – uansett kva straumavtale du har. Taket for kompensasjon er 5000 kWh per månad, og forbruk over dette blir ikkje kompensert.
Kven har ansvaret?
Det er Straumnett AS som har ansvaret for å gjennomføra støtteordninga i nettområdet vårt og beløpet vil bli trekt frå den månadlege rekninga for nettleige. Dersom summen overstig den månadlege nettleiga, blir beløpet utbetalt til bankkontoen til kunde eller trekt frå straumrekninga.
Mange kundar har straum og nettleige på same faktura. Det betyr at fråtrekket kjem på straumrekninga, men det er Straumnett AS som sørger for at kompensasjonen blir rett. Dersom du har spørsmål om kompensasjonsordninga, kan du kontakta oss.
Les mer om ordningen på følgjande sider:
Set net nettleiga frå og med 1. april 2021
I statsbudsjettet for 2021 vart det løyvd 20 millionar kroner til utjamning av skilnader i overføringstariff. Årdal Energi Nett får tildelt kr 2 260 447,-.
Tilskotet på kr 2 260 447,- skal komma kundane våre til gode og vi vil med verknad frå 1. april 2021 setja ned energileddet for alle kundane våre med 4,46 øre utan avgifter fram til og med 31.12.2021.
Set ned nettleiga fom 15.juni 2020
Årdal Energi Nett set ned nettleigeprisen for alle tariffar frå og med 15. juni 2020. For ein husholding/hytte -kunde, vil prisen bli redusert med 6,25 øre/kWh. Sjå vår prisside for fullstendige tariffar her.
STRAUMUTKOPLING AV TYINLINJA TORSDAG DEN 23.04.2020
På grunn av arbeid på Årdal Energi Nett sitt distribusjonsnett, vert straumen utkopla på TYINLINJA torsdag den 23.04.2020 frå kl. 09.00 til kl. 15.30. Gjeld frå Øvre Årdal til Eidsbugarden.
Straumen kan bli innkopla tidlegare, så nettet må sjåast på som straumførande i heile utkoplingsperioden.
Me beklagar ulempene dette medfører.
Kundemottak er stengt
Som følgje av den siste tids utvikling knytt Coronavirus og smittefare er kundemottaket stengt.
Vi ber om at du tek kontakt med oss på telefon 57 64 86 00 dersom du har behov for å snakka med oss.
Set ned nettleiga
Frå og med 1.mars set vi ned energileddet i nettleiga for alle tariffar.
For ein vanleg husholdningskunde vil tariffen bli sett ned frå 68,75 øre/kWh til 59,30 øre/kWh.
Sjå fullstendige tariffar her.
Innføring av Elhub
Elhub er kraftmarknaden sin nye løysing for utveksling av informasjon mellom marknadsaktørane. Denne løysinga skal innførast 18.02.2019, og i den samanheng vil det gå føre seg ei rekkje aktiviteter som kan påverka dykk som kundar av Årdal Energi. Ein må difor forventa lenger behandlingstid enn normalt hjå Årdal Energi sitt kundesenter i februar månad.
I perioden frå 01.02.19 og fram til lansering av Elhub den 18.02.19 vil det vera nokre avgrensingar for deg som kunde:
Du kan ikkje foreta leverandørskifte i denne perioden. Du og din kraftleverandør kan framleis foreta eventuelle forberedande aktivitetar, som f.eks. å gjere ein målaravlesing, men sjølve leverandørskiftet vil fyst kunna skje etter 18.02.19.
Ved byte av straumabonnement i denne perioden vil du som kunde få levert straum og få registrert bytte av straumabonnement på rett dato, men du vil ikkje få endeleg bekrefta byte før etter 18.02.2019.
Vi beklagar dei ulemper denne omlegginga kan medføre, og ber om forståing for eventuell tregheit i kundedialogen inntil Elhub er på plass.
Målaravlesing 1.juli 2018
På grunn av pågåande arbeid med utskifting av målarar, vert det ikkje sendt ut varsel (SMS, e-post og avlesingskort) om målaravlesing pr. 1.juli 2018.
Dei som alt har fått skifta målar treng ikkje gjera noko.
Dei av kundane som framleis har gammal målar, vert stipulert, eller du kan levera målarstanden under Målaravlesing/Mi Side som ligg på vår heimeside.
Brann i oppvaskmaskin
Ein av våre kunder har nylig hatt brann i sin oppvaskmaskin. Kunden hadde heldigvis installert røykvarslar og fekk difor sløkt brannen før den fekk spreie seg.
Det Lokale Elektrisitetstilsyn (DLE) vil oppfordre alle som har kjøpt oppvaskmaskin frå Bosch eller Siemens mellom 1999 og 2005, om å gå inn på følgande webside for å sjekke om oppvaskmaskina kan være brannfarleg.
Ein bør ikkje sette på oppvaskmaskin, vaskemaskin eller ladar om natta, då ein ikkje har full kontroll med utstyret når ein søv. Pr. i dag kjem ikkje Årdal Energi KF til å setja ned straumprisen om natta, for at ein kan kunna spara nokre kroner, slik som mange oppfattar at den nye straummålaren legg opp til.
Vil du ha informasjon om straumutkopling og prisendringar?
Sjekk om vi har dei rette opplysingane om deg, telefonnummer for mobilen og e-postadressa . Gå inn på heimesida vår www.ardal-energinett.no - målaravlesing/mi side - Logg inn. På den siste fakturaen finn du kundenummer og pinkode, som blir brukt som brukarnamn og passord. På "Mi side" kan du også finna forbruks- og fakturahistorikk, og du kan levera inn målarstanden din.
Melding til våre kundar
Vi i Årdal Energi har vorte kjent med at fleire kraftleverandørar fortel våre nettkundar i telefonsamtaler at dei har ein samarbeidsavtale med oss.
Dette er ikkje rett.
Alle kraftleverandørar får same vilkår og service hjå oss. Å fortelja eller påstå at dei har nokon form for særavtale om samarbeid med oss er det same som å påstå at vi gjer oss skyldig i lovbrot. Årdal Energi er pålagt ved lov å behandla alle kraftleverandørar nøytralt og likt.
Som eit resultat av nye forskrifter kan kraftleverandørar no krevja å gjennomfakturera nettleiga. Det betyr at du som kunde får ein faktura frå kraftleverandøren for både straum og nettleiga. Gjennomfakturering av nettleiga er noko alle kraftleverandører som stettar visse vilkår kan krevje. Gjennomfakturering er ingen særskilt avtale om samarbeid. Alle kraftleverandørar kan få gjennomfakturering.
Vi tek difor avstand frå det dersom ein kraftleverandør brukar vårt gode namn og rykte til å «narre» straumkundar til å tru at dei får nokon form for positiv handsaming hjå oss ved å kjøpe straum hjå dei.
Endring i fakturering av nettleiga
Med bakgrunn i endring av Forskrift om måling, avregning og samordnet opptreden ved kraftomsetting og fakturering av netteneseter vert alle kundar fakturert etterskotsvis.
Endringa vil skje frå 1.januar 2016 og gjeld for fakturering av nettleige (bade fastbeløp og energiledd) basert på målaraavlesing. Målaravlesing vert gjennomførd kvar andre månad med påfølgjande fakturering og forfalli slutten av månaden.
Målaravlesing skal skje følgjande datoar: 1.januar, 1.mars, 1.mai, 1.juli, 1.september og 1.november.
Nettleiga - korleis er den sett saman
Til tider får vi inn spørsmål om nettleiga, for å gje ein forklaring på korleis nettleiga vert bygd opp har vi laga til følgjande.
Årdal har hatt ei historisk låg nettleiga, både for fastbeløp og for energiledd (øre/kWh), men vi sette dette opp i 2013 og kjem til å setja opp noko for 2016. Men vi vil framleis ha lågt fastbeløp. Dette går på kva profil ein vil ha på nettleiga, lågt fastbeløp gjev høgare energiledd og omvendt.
Alle nettselskap har monopol på overføring av straum innafor sine forsyningsområder, og er difor regulert av myndigheitene (NVE). NVE fastset kvart år ei individuell inntektsramme for kvart nettselskap. Inntektsramma gjev ei øvre grense på kor stor inntekt nettselskapet kan henta inn gjennom nettleiga. Inntektsramma vert fastsett slik at tillaten inntekt over tid skal dekke kostnadane ved drift og vedlikehald av nettet, samt gje ein rimeleg avkasting ved effektiv drift, utnytting og utvikling av nettet. Vår årlege inntektsramme vert fastsett dels på bakgrunn av historiske kostnader i verksemda, og dels på bakgrunn av ei kostnadsnorm som vert fastsett av NVE. Denne norma skal sikra at verksemda driv effektivt. Den vert sett ved hjelp av samanliknande analyser som samanliknar verksemdenes resursbruk opp mot oppgåva dei utfører. Den tillatne inntekta vert fordelt ut på den forventa overføringsmengda (kWh) kvart år, som er enkelt forklart korleis tariffen kjem fram.
I tillegg til å dekka historiske kostnader som nemnt over, vert alle overliggande nettkostnader lagt til, og fordelt ut på kvar kWh overført. Årdal Energi vil for 2016 halda same pris ut, som er 35,0 øre/kWh + avgifter. Vår kostnad til overliggande nett er ca. 10,0 øre/kWh.
Ein bør og vera klar over at når ein går inn og ser på ulike statistikkar, så må ha klart føre seg kva som vert samanlikna. Fordi i mange samanhengar er ikkje avgiftene med der, medan alle nettselskap er pålagt å gje opp prisar inkludert alle avgifter.
Innebygd i nettleiga ut til kunde ligg det og ein del avgifter til staten, el-avgift (forbruksavgift), avgift til Enova (energi- og miljøfondet) og moms. Dette kan setjast opp slik:
Oppsett over ÅE sin nettleigepris og avgifter for 2016
Grunnpris El- avgift Enova Mva Totalpris
Energiledd (øre/kWh) 38,00 + 16,00 + 1,00 + 13,75 = 68,75
Fastbeløp (kr/år) 1 750,- + 0 + 0 + 437,50= 2 187,50
Elavgifta her hatt denne utviklinga dei siste åra
2012 2013 2014 2015 2016
El. avgift (forbruksavgift) 11,39 11,61 12,39 *14,15 16,00
*) – Staten sette opp elavgifta frå 13,65 øre/kWh til 14,15 øre/kWh, fom 1.juli 2015.
Vi håpar at eg har gitt deg meir «kjøt på beinet» med denne forklaringa, ta kontakt med oss dersom du ynskjer ytterlegare informasjon.